Problema Gestaun Lixu iha Cidade Dili no konciencia komunidade iha Dili

Problema Gestaun Lixu iha Cidade Dili no konciencia komunidade iha Dili

Lixo ka  foer ho lia akademiku dehan residus nebe ohin loron sai famozu  iha ema hotu nia matan no tilun iha Timor-Leste, liu-liu Cidde Dili tanba Cidade Dili  hanesan capital uniku iha nasaun ida ne’e  ka Cidade boot iha nasaun ida ne’e,  mai ita koalia lixu ka residous ne klean ita mos kaer netik hanoin balun husi ema méritu ka matenek nain sira-nia hanoin kona lixu no gestaun lixu iha Cidade ida, hodi aprofunda ita argumentu ka ideia sira kona lixu no Gestaun Lixu. Nune’e  Ita koalia kona ba Lixu/ Residous ka sampah, tuir mai  ita kompreinde uluk lai saida maka lixu  ka residou  ou sampah ne’e los?

1.      Hanoin  kona lixu (sampah), Tuir Defisaun Word  Helth Organizatio  (WHO)  katak Lixu mak materiais hirak nebe la uza, la hakarak ka material nebe soe tiha no mai husi aktividades humana no mós kauza husi natureza  nebe lao likuidu..

2.      Tuir Ministerio Administrasaun Estatal (MAE) katak  Lixu mak  Kualker subtansia ou objetus nebe produtor ou detendor desfas ka fosai ka iha intensaun dez fazer.

3.      Tuir Ministerio Saude katak Residus  solidus nudar material sira  nebe  hamosu husi aktividades humana no animal sira nebe maka soe tiha bainhila la uza ka hakarak ….

4.      Tuir matenek nain  Juli Soemirat (1994)  nia hanoin kona ba residous ka sampah katak buat (materiais) ne’ebe lakohi ona husi nia nain rasik bersifat padat. Nune iha matenek nain sira nebe hakerek lingua Indonesia

5.      Azwar (1990) sampah adalah sebagian dari sesuatu yang tidak dipakai, tidak disenangi atau sesuatu yang harus dibuang yang umumnya berasal dari kegiatan yang dilakukan manusia (termasuk kegiatan industri) tetapi bukan biologis karena kotoran manusia (human waste) tidak termasuk kedalamnya. 

6.      Manik (2003) mendefinisikan sampah sebagai suatu benda yang tidak digunakan atau tidak dikehendaki dan harus dibuang, yang dihasilkan oleh kegiatan manusia. 

7.      Para ahli kesehatan masyarakat Amerika membuat batasan, sampah (waste) adalah sesuatu yang tidak digunakan, tidak dipakai, tidak disenangi, atau sesuatu yang dibuang, yang berasal dari kegiatan manusia, dan tidak terjadi dengan sendirinya.

 Husi definisaun Residous ka sampah husi parte 8 iha leten,  konklujaun de’it katak, Residous ka sampak mak sasan ka materias organiku no non organiku nebe ema la uja la tuir ema nia gostu ka hakarak hodi soe tiha no materiais  hirak ne’e mai husi  aktividades  humana lor-loron nian no natureza ne’e  rasik.

 Residous ka Sampah iha iha Cidade Dili

Ohin loron ema hotu iha mundu preukupa lixu ka sampah, nune’e  mós ema timor oan sira preukupa makas tebes ba lixu ka sampah iha Capital Dili laran, meus hotu ne’ebe guvernu prepara hodi fasilita aktividades saneamentu Municipio Dili,  ne’ebé  direta ba rekoilia, dasa ka hamos Residous ka sampah iha Cidade Dili Laran. Guvernu liu husi Ministerio Estatal halo esforsu makas tau osan hodi halao aktividades raut no dasa  foer  iha Cidade Dili, liu husi Municipio Dili no direta ba iha Postu sira. Liu husi Municipio maka Saneamentu Municipio Dili no direta ba postu maka ita koiñese PESSOAL LIMPEJA ESGOTU (PLE), maibe ita sedauk redus soe foer arbiru ne’e.

Kona ba lixu ka sampah iha Cidade Dili Laran dutante tinan-tinan  guvernu aloka osan ho montate bo’ot ba iha Parte Saneamentu, hodi halao aktividades Residou ka sampah  ne’e,  maibe meus hirak ne’e sedauk lori Cidade Dili libre husi foer ka lixu. Maibe sei    difícil atu resolve problema lixu iha Capital Dili, maske governo  Central no Municipio Dili halo ona esforsu  makas  hodi  hamos Capital Dili sai cidade ida furak ho lema (Dili LOS= Dili Limpu Dili Organizadu no Lidi Saudavel, tuir konseptu Presidente Autoridade Municipio Dili nian), maibe  ohin loron sedauk sai realidade  la siginifa katak konseptu ne’e sedauk sai realidade total  maibe  balun-balun iha realidade  ona, vendedores la halao aktividaes tunu ikan no katupa movimentu iha parte tasi ibu pantai kelapa, Merkadu Halilaran, eis merkadu komoro nia oin la nakunu ho vendedores ka basar ona,  lesidere ema la fan ona ikan, iha avenida protukolu foer la dun butuk ona hanesan uluk, animal la lao movimentu ona hanesan uluk.   Lixu ne’ebé  namkari  iha Capital Dili,  ita sira be hela iha Dili no ita sira be lao liu husi Dili sai sasin ba lixu hirak nebe nabutuk, tatulak, naresin, namkari lemo-lemo iha lidun hotu-hotu, nebe akontese  lor-loron, Ministerio Estatal ho Municipio Dili la tur tane hasan doko ain hodi nonton deit, MAE iha esforsu oi-oin  no palnu oi-oin entrega ba Municipio Dili halao ka exekuta planu hirak ne’e maibe sei  sedauk redus volume lixu namkari, naresin no nabutuk husi lidun ba lidun ne’e.

Rekursu  Ema Nebe Municipio Dili  Iha

Municipio Dili iha rekursu humana  atu implementa program saneamentu nebe lolos, maibe komunidae ne’ebe maka sai produtor lixu maka seidauk kompreide klean Saida mak lixu?, lixu atu halo sa?,  lixu ba nebe? No lixu ne oinsa inpaktu Saude no natureza ?.

Saneamentu Minicpio Dili iha rekusu ema nebe  kuaze 250 hodi koloka ba avenida, rua no travessa sira iha Cidade Dili no kareta dum trek nebe raut foer sapa G no kontratu sira 30 resin no  postu 4 koloka ema  80 hodi hamos valetas jardin sira no kareta dum trek 4 direita husi Diresaun Nasional Higiene no Orden Publika/MAE esforsu hirak ne mak meus nebe guvernu prepara, ita maka sedauk iha konseinsa no gere ita nia  lixu rasik hodi responde ba pergunta hirak iha leten. Tuir hakerek nin nia hareé Municipio sira sedauk Gere didiak rekursu ema ne’ebé iha ita bele redus oitoan lixu no rairahun sira iha Estrada laran

Funsaun ba gestaun lixu

Programa ida lao ka gere ho diak tenki masima iha nia funsaun ba gestaun atu nune gestaun maka pasu inportate iha organizasaun ka servisu ida  hodi atinji nia objetivu nebe ita hotu hakarak, nune funsaun ba jestaun inportante,  basá funsau ba gestaun rasik nudar prosesu , planeamentu, organiza, koordenasaun no kontroli ba rekursu humana hodi atinji objetu nebe  efetivitas no efisiensia ,  tuir ema matenek ida naran Ricky W. Grafin.  Bazeia ba hanoin ida husi matenek nain Ricky W. Grafin  ita kabe mai gestaun Lixu iha Capital Dili nebe ohin loron ekipa Saneamentu gere no halao hela, lor-loron servisu hamos, dasa, lere dut no hasai tahu iha sidade Municipio Dili nia laran nune guvernu central la tur hakmatek maibe preukupa hodi buka meus hotu hodi gere ekipa limpeza ka hamos no foti foer ne’e hodi atinji nia obejetibu nebe tuir ita hotu nia hakarak bazeia fungsaun gestaun nian nebe hau mensiona iha leten, Planu ne’ebé  parte saneamentu halao ita sei uza hela paradigma antigun nian katak foer hasai husi uma kain ida-ida ka individu sira tau iha plastic/karol  rai deit iha uma  ka tau iha lixu fatin provizorio,  ekipa sanementu rekoilha  no transforta  ba Lixeira Tibar .

 

Ha’u kaer ba liafuan kontroling ne’ebé temi ona iha Ricky W. Grafin  nia hanoin katak Guvernu liu-liu Municipio Dili iha kontrolu ba lixu ne’ebé soe arbiru , maibe sedauk maximu sei ita iha Planu, Organiza no iha rekursu ema , kontrolu la  lao maximu ita mós labele atinji objetivu maximu tanba kontrolu maka xave inportante hodi atinji obejetivu

Iha rekursu ema  Municipio dili ita bele subciente lerek ona atu bele kobre servisu saneamentu capital Dili laran, maibe pergunta mak ne’e;

1.       Gere  ka halao servisu lolos tuir lei funsaun publika Timor Leste kona ba servisu kada loron iha oras 8 nia laran?,

2.       Gere  lolos ona Rekursu ema nebe iha saneamentu no ekipa siras eluk,.. los ona?

3.      Tanbasa  maka rai rahun no tahu dodok sira sei nakonu iha lansin hun ka trotoar hun ka dalan ninin sira?

pergunta hira ne’e nu’udar desafia ita hotu  nia hanoin hodi esforsu hamos ita nia ciadae laos hateke deit ba servisu Saneamentu sira tanba cidade Dili ita ita hotu  nian,  laos ekipa Saneamentu nian deit.

Bazeia ba hanoin husi matenek nain Ricky W. Grafin  nia hanoin kona funsaun gestaun kada organizasaun parte gere hamos lixu sedauk gere maximu ba servisu hodi atinji  ninia out put ne’ebé  di’ak ita  gere rekursu ema  ho di’ak  ita bele atinji tuir hakerek nain nia hareé ita ladun fokus ba  gestaun ema hodi halao servisu,  sistema bele dehan ne’e  los ona,  maibe metodu implemtasaun mak sei fraku.  Liu -liu iha parte kontrolin, tanba parte  palnementu actualizasaun  bele dehan lao di’ak oitoan  maibe fraku iha monitorin ka kontrolin ba servisu liu-liu pesoal limpeja sira kontrolu ba servisu nebe sira halao se fraku.  Exemplu dasa liu aitan ho deita foer nebe bot, oras 1 ka 2 fila uma ona,  maibe rai rahun sira la hamos no mós iha parte loro krai la  dasa hanesan dader , nemak  mak hfraku ita nia sistema servisu Lixu no  Dasa Rai iha Capital Dili Laran. 

Obsebasaun

iha ema hotu nia matan ka obserbasaun  katak  Autoridade Nasional (MAE) no autoridade Municipio Dili la tau atensaun ka servisu maximu kaseriu, liu-liu ema politiku balun hanoin dehan guvernu tau osan barak no parlementu aprova  lixu nafatin namkari iha lidun ba lidun maibe ha’u dehan ita hotu ne’ebé hela iha Cidade Dili no Ita hotu ne’ebé lao liu iha Cidade Dili maka laiha responsabel ba Lixu .

Servisu Lixu ka Saneamentu sedauk gere rekursu ema ho didiak no efetivu iha oras servisu, sistema los ona maibe metodu implemetasaun servisu mak sedauk maximu, funsaun kontrolu sei minus. Husi guvernu sentral ka Municipal sedauk halo politika ida hodi sensibilzasaun soe lixu arbiru maximu  direta ba povu iha baze mesmu informasaun hato’o ona husi media no  autoridade suku sira ne’e sedauk to’o. No  sedauk  iha planu adekuadu ida ba servisu saneamentu iha baze ne’ebe lolos no momos, ita iha konseptu ne’ebe di’ak maibe ita la realize mós ne’e konseptu mamuk se konseptu di’ak la kontrolu mós ne’e konseptu mamuk.  

Sugestaun  ba publiku liu-liu ba parte kompetente

Liu husi media social ita bele  profunda hanoin ba malu, hodi hadia ita hotu nia frakeza  tanba funsan MEDSOS maka dibulga informasaun ba ema seluk  hodi hatene oinsa situasaun sira nebe lao daudaun, maka ha’u mós aprobeita tempu hodi fó hanoin ba publiku katak ita hotu tau kondiderasaun maximu lixu ne’e nudar inimigu ba ita nian. Nune ba parte kompetente ita hadia oituan metodu  implementasaun ba servisu lor-loron  ne’ebé servisu sorin deit, ba servisu kompleita oras 8 nudar lei funsaun Publika haruka, purexemplo dader dasa ka hamos hotu no lokorai mai dasa tan rai rahun no tahu sira , hamos du’ut sira iha trotoar leten,  nune’e mós Pesoal  rekoilha lixu sira. Ikus liu Guvernu Central ho Municipio  planu aumenta tan  pessoal kontratadu hodi hamos foer maibe labele hili malu tenke publika publiku.

Ikus molok ha’u determina ha’u nia liafuan nu’udar ema maksalak dala ruma ko’alia la dun tuir nia regra ha’u husu deskulpa wain ba publiku.

Hakerek nain nu'udar habitante ne’ebé hela iha Cidade Dili nia rohan parte loro monu.  Kritika ka sugestaun ba artigu ne’e,  bele hato’o diretamente mai ha’u-nia.  email: santosnelys17@gmail.com.

 

Konciencia Komunidade menus hodi soe foer arbiru iha kapital Dili.

Ekipa Hamos Dalan no Valetas (PLE) halao servisu Rutina iha Esgotu

Depois de Hamos Esgotu

Dader Ekipa PLE rona Orientasaun Servisu husi sira nia Orientador