Relatorio Badak konaba Suku Moatel

Publika nain hakarak publika relatorio ida ne'ebe relata husi Xefi suku Moatel Sr. Cornelio A. Lopes,  nebe relata iha municipio Dili, nune bele beneficia ba sira nebe presiza. tuir mai relatori badak kona ba Suku Motael.

Relatorio Profil Suku Moatel

I.          Introdusaun Badak

Introdusaun badak katak Suku Moatel Suku nebe moris nanis husi ukun tradisional ka reino Karketu Motain no ikus mai portugues sira sama ain iha fatin karketu motain hodi fo naran motael nebe ukun husi Dom sira hanesan tuir mai ne’e:

1.    Dom Gregorio Rodrigues Pereira I hahu ukun iha tinan  1726-1732

2.    Dom Alexandre Rodrigues Pereira iha tinan 1763-1769

3.    Dom Cosme Rodrigues Pereira iha tinan  1789 ( diviza hanesan tenente coronel)

4.    Dom Duarte de Castro iha tinan 1786

5.    Dom Gregorio Rodrigues Pereira II 1820

6.    Dom António da Costa Pereira iha tinan 1832-1861

7.    Dom Domingos de Freitas Soares 1859

Ikus mai iha tempo okupasaun Indonesia suku motael ho nia aldeia 8 submeta ba Postu Administrativi Dili Oeste (Kecamatan Dili Barat) no iha era independensia,  tuir diploma Ministerial nú 9 / 2004 data 14 de Julho 2004  abut mai husi lei no. 2/ 2004 de 18 de Fevreiro,  ne’ebé iha despaico da Ministra da Administração Estatal kona  bá naran Sub Distrito/ Posto Administrativu, Suku no Aldeias iha territorio Timor Leste. Maka iha despaicho Diploma Ministerial refere difini Suku Motael ho Aldeia 5.mak hanesan  Aldeia, Boa Morena, Aldeia Bee Dalan, Aldeia Halibur/Palapasu,  Aldeia Hura, no Aldeia Lirio.

II.        Geografika Suku Moatel

  Suku moatel ho nia Distnacia ou luan  994 Km²  Confrontasões :

Ø  Parte Norte:  Tasi Ibun ho Hotel Timor nia oin (Jarding 5 de Maio)

Ø  Parte Sul: Mota Maloa (Suku Bairo Pite Postu Administrativo Dom Aleixo

Ø  Parte Leste: Suku Kampo Alor

Ø  Parte Oeste: Tasi ibun Hali hun Farol

                

III.      Demokrafia Suku Moatel

Suku Moatel iha Aldeia 5 ne’ebé ho nia kompozisaun meciona iha leten, ho  total Populasaun iha Suco Motael hamutuk:  5076  habitantes. Deskrisaun hanesan tuir mai:

1.  Total Uma Kain/ chefe da Familia  887

2.  Feto hamutuk: 2644

3.  Mane hamutuk: 2432

4.  Ema Estrangeiros hamutuk: 284

5.  Idosos hamutuk: 210

6.  Ema ho difisiente  hamutuk: 38 ne’ebe hetan subsidio husi Governo

7.  Bolsa da familia hamutuk: 81 pessoas

8.  Veteranus hamutuk: 24 pessoas

9.  Konta do Bebe/ BNCTL: 3 pessoas

IV.      Fucionario estadu nian total 177

Hanesan:

1.  Funcionarios Publiku 97

2.  FFDTL 46

3.  PNTL 34

V.       Suco Motael ho nia Estrutura hamutuk ema 22 hanesan tuir mai ne’e:

Chefe do Suco ida (1)

Chefe Aldeia Lima (5)

Delegado, Delegada Sanulu (10) ba aldeia 5

Lia nai Suku ida(1)

Representante Juventude Feto no Mane

Mane ida (1)

Feto ida (1)

PAAS ida (1)

Oficial Policia do Suco rua (2): ida ba Escola Primaria Farol, ida Seluk ba Comunidade Suco Moatel

Total: 22 pessoas

VI.      Preukupasaun no Rekomendasaun

Sua Excelência Presidente da República Democrática de Timor Leste katak preukupasaun kona ba rai misaun nian hanesan jardin Costa Boges pertense ba Rai Misaun tuir mapa portugues nian iha tinan 1945 nebe oferta husi Dom Gregorio Rodrigues Pereira 1726, tanba agora dadaun membru Guvernu sira koalia hela rai ne’e estadu nian, ne lalos.

Liu husi Vizita Sua Excia Prezidente da Republika ami hato’o ba ita ita boot katak husu ba Guvernu atu  tau orsamentu ruma  ba Faluk, oan kiiak no kbit laek kada fulan sira bele hetan netik osan ka ajudus ruma.

Ami preukupa mos Bee mos iha Aldeia Lirio, tanba populasaun mayoria konsumu bee posu deit no balun ba lalin bee iha fatin seluk hanesan suku Kolmera no Jardim 5 de Maiu.

Molok atu taka, ami hato’o agradese wain ba Prezideten Autoridade Municipio Dili ne’ebé fo fatin mai ami  suku 4, hodi uza simu Sua Excia Prezidente da Republika ho Premera dama.

Maka ne’e de’it ami-nia relatorio suku  badak hato’o ba Sua Excia Prezidente da Republika no Premera dama, lahaluha ami hato obrigadu wain.

Motael, 30 /01/2017

(Cornelio A. Lopes)

Xefi Suku Motael